Pagina Inicial»Noticia
Membru sira husi Asosiasaun Hakbiit Justisa Timor-Leste na’in 25, iha loron 18 fulan janeiro tinan 2022, halo vizita guiada ba Parlamentu Nasionál.
Asosiasaun Hakbiit Justisa Timor-Leste kompostu husi estudante sira Fakuldade Direitu husi Universidade sira iha Timor-Leste, ho objetivu atu akompaña lala’ok hotu sistema justisa no funsionamentu órgaun soberanu sira iha Timor-Leste.
Tanba ne’e, objetivu husi vizita guiada refere atu hatene kle’an kona-ba funsionamentu Parlamentu Nasionál hanesan órgaun soberanu daruak iha Timor-Leste.
Iha vizita guiada ne’e, Asosiasaun Hakbiit Justisa Timor-Leste simu aprezentasaun matéria Husi Xefe Protokolu Parlamentu Nasionál, Paulo da Costa Nunes, kona-ba kompeténsia no funsionamentu Parlamentu Nasionál.
Hafoin aprezentasaun matéria, membru asosiasaun ne’e ba assisti sesaun plenária hodi akompaña direta prosesu diskusaun husi Deputadu sira.
