Pagina Inicial»Noticia
Young Southeas Asian Leadership Initiative (YSEALI) lori feto potensial hamutuk 15 hala’o vizita ba Parlamentu Nasionál hodi akompaña lala’ok servisu orgaun soberanu daruak ne’e.
Iha vizita guiada ne’e hetan aprezentasaun matéria kona-ba funsionamentu Parlamentu Nasionál inklui sekretariadu Parlamentu Nasionál husi Chefe Protocolo no ex-Chefe Divisão as Comissões, Paulo da Costa Nunes, ne’ebe loke diretamente husi Diretor de Comunicação, Vitorino de Fátima Moniz dos Reis.
Durante aprezentasaun matéria, iha mós sesaun husu no hatan husi partisipante sira kona-ba lalaok no funsionamentu Parlamentu Nasionál.
Koordenadóra YSEALI, Rozalia Elfia Madiana, hatete objetivu husi programa YSEALI nian hodi lori feto potensial 15 mai Parlamentu Nasionál atu haree no hatene kona-ba funsionamentu Parlamentu Nasionál nian.
Hafoin aprezentasaun, partisipante sira halo vizita diretamente ba sala plenário hodi assisti diretamente prosesu diskusaun husi Deputadu sira.
