Pagina Inicial»Noticia
Parlamentu Nasionál iha loron 27 fulan setembru tinan 2021, liu husi Sesaun Solene halo votu pezar ba Saudozu Ma’Huno Bulerek Karathayano, ho 53 votu a favor, 0 kontra no 0 abstensaun.
Sesaun omenajen ne’ebe prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira ne’e hahú ho exekusaun Hinu Nasionál no Minutu Ida Hakmatek, hafoin kontinua ba leitura votu pezar husi Sekretária Meza.
Hafoin leitura ba votu pezar kontinua kedas ba intervensaun husi Bankada Parlamentar sira hanesan; PUDD, FM, UDT, KHUNTO, PD, PLP, CNRT no FRETILIN.
Iha intervensaun bankada sira ne’e hotu ko’alia kona-ba partisipasaun saudozu nian iha luta libertasaun nasionál hanesan komandante ida, tanba ne’e ho situasaun ne’e, povu Timor-Leste tomak sente lakon nia komandante no líder ida.
Hafoin votu pezar, Deputadu sira kontinua halo presta omenajen ba saudozu iha Arkivu no Muzeu Rezistensia.
