Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Parlamentu Nasionál aprova ona Projetu Lei ba Protesaun Labarik iha Perigu iha Jeneralidade

Pagina Inicial»Noticia

Parlamentu Nasionál aprova ona Projetu Lei n.o 29/V(3ª) – Lei Protesaun Labarik iha Perigu, iha Jeneralidade ho 54 votu a favor, 0 kontra no 1 abstensaun.

Projetu Lei ne’e importante tebes ba Timor-Leste liuliu ba labarik sira atu la bele monu iha perigu tanba dezde Governu retifika Konvensaun ba Direitu Labarik iha tinan hirak liu ba maibé kontinua akontese violasaun no ameasa hassoru labarik sira.

Sesaun plenária ne’e mós baixa Projetu Lei n.o 33/V(3ª) – Alterasaun dahuluk ba Lei n.o 5/2016, loron 25 fulan maiu, ne’ebe estabelese prosedimentu konsesaun indultu no komutasaun ba pena, ba Komisaun A hodi halo diskusaun antes aprezenta ba plenária hodi hetan aprovasaun final global.

Entretantu iha intervensaun Deputadu sira-nian preokupa kona-ba numeru mate aumenta husi loron ba loron la'ós de’it Covid-19 maibé kauza husi moras seluk, pagamentu ba liña frente sira ne’ebe seidauk realiza, falta bee-moos ba komunidade, alerta husi meteorolijia sira kona-ba possibilidade akontese udan no anin boot, verifikasaun dadus veteranu sira, martir sira-nia oan balun la passa iha rekurutamentu F-FDTL inklui asuntu sira seluk atu Governu presija rezolve.

Ministru Asuntu Parlamentares no Komunikasaun Sosial, Francisco Martins da Costa Pereira Jerónimo, hatete Governu kria ona ekipa hodi halo investigasaun ba kazu ema mate liuliu iha Munisipiu Baucau hodi hatene kauza loloos husi akontesimentu refere, Governu liu husi Ministeriu Saude kontinua esforsu hodi fó vasinasaun ba sidadaun sira iha teritoriu tomak ne’ebe iha kapital Díli atinji liu 60% husi vasina doze dahuluk no doze segundu nian.

Enkuantu preokupasaun sira seluk, sei informa ba ministériu relevante hodi bele konsidera no rezolve tuir nesesidade ne’ebe mak iha.

Sesaun Plenaria ne’e prezide husi Prezidente Parlamentu Nasionál Em-exercício, Maria A. Lopes Sarmento, akompaña husi membru Meza sira no hetan prezensa husi  Ministru Asuntu Parlamentares no Komunikasaun Sosial, Francisco Martins da Costa Pereira Jerónimo.

Tags: