Pagina Inicial»Noticia
Parlamentu Nasionál liu husi reuniaun plenária Komisaun Permanente iha loron 31 fulan agosto tinan 2021, halo votu pezar ba saudozu Humberto Gonçalves «Nehek», ho 24 votu a favor, 0 kontra no 0 abstensaun, ne’ebe hakotu iis iha loron 30 fulan agosto liu ba.
Hafoin votu pezar, iha intervensaun diversa nian, Deputadu sira aprezenta preokupasaun sira kona-ba atendimentu iha sala izolamentu sira, estrada no fatin turístika iha Munisipiu Baucau, Kazu Covid-19 ne’ebe kontinua aumenta iha Timor-Leste liuliu kapital Díli, rekrutamentu ba professor sira ne’ebe too agora seidauk realiza inklui asuntu importante sira seluk.
Reuniaun plenária Komisaun Permanente ne’e mós aprova deliberasaun n.o 5/V(3ª) – konvoka Parlamentu Nasionál ba realizasaun reuniaun plenária iha loron 7 no 15 setembru fulan oin.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza Komisaun Permanente nian.
