Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi Vise-Prezidente, Luis Roberto da Silva, halo reuniaun ho Arsebispu Arkidioseze Metropolitana Díli, Mgr, Virgílio do Carmo da Silva, SDB, iha loron 10 fulan juñu tinan 2021, iha Dioseze Díli.
Hafoin reuniaun, Prezidente Parlamentu Nasionál informa ba jornalista sira katak, reuniaun refere hanesan reunian regular ho dioseze tuir konkordansia entre Prezidente Parlamentu Nasionál ho Amu Bispu, atu diskute no partilla informasaun kona-ba situasaun rai laran no preokupasaun sira ne’ebe Estadu no povu preocupa.
Parlamentu Nasionál agradese ba apoiu igreja nian iha prosesu diskusaun no aprovasaun alterasaun Lei Migrasaun-Azilu, ne’ebe Parlamentu Nasionál aprova no hetan ona promulgasaun husi Prezidente Repúblika.
