Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi Embaixador União Europeia, Andrew Jacobs, Reprezentante PNUD (Programa Nasaun Unida ba Dezenvolvimentu) iha Timor-Leste, Munkhtuya Altangerel, no Sekretáriu-Jeral Parlamentu Nasionál, Adelino Afonso de Jesus, inaugura UMA KOMUNIKASAUN iha Parlamentu Nasionál, iha loron 3 fulan maiu tinan 2021.
UMA KOMUNIKASAUN ne’e harii ho kooperasaun husi PNUD no Uniao Europeia, ne’ebe halo lansamentu ba fatuk dahuluk iha fulan setembru tinan kotuk.
Prezidente Parlamentu Nasionál hatete ho komemorasaun loron Liberdade ba Imprensa iha loron 3 fulan maiu ne’e, aproveita mós halo inaugurasaun ba UMA KOMUNIKASAUN iha Parlamentu Nasionál hanesan espasu no rekursu ida ba jornalista sira hodi halo kobertura ba atividade Parlamentu Nasionál ho efetivu liu tan.
Ho fasilidade hirak ne’e Prezidente Parlamentu Nasionál konvida no espera bele fasilita jornalista sira ne’ebe destakadu iha Parlamentu Nasionál, no haburas liu tan demokrasia no liberdade ba imprensa ho responsabilidade iha Timor-Leste.
Prezidente Parlamentu Nasionál mós agradese ba parseiru sira ne’ebe kontribui hodi harii UMA KOMUNIKASAUN ne’e.
