Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, ho nia membru balun Meza Parlamentu Nasionál hanesan Vice-Prezidente Parlamentu Nasionál, Maria Angelina Lopes Sarmento, no Sekretária Meza, Lídia N. dos Santos Martins, simu vasina AstraZeneca hodi prevene Covid-19, iha loron 7 fulan abril tinan 2021.
Lansamentu vasina ka imunizasaun dahuluk ne’ebé hala’o iha Centro de Saúde Formosa Díli ne’e, Primeiru-Ministru, Taur Matan Ruak, hanesan ema dahuluk ne’ebé simu vasina AstraZeneca hafoin tuir kedas Prezidente Parlamentu Nasionál, membru Meza Parlamentu Nasionál, membru Governu sira, Arcebispo da Arquidiocese de Díli, Dom. Virgílio do Carmo da Silva SDB, Ex-Prezidente Repúblika, Jose Ramos Horta, inklui entidade relevante sira seluk.
Hafoin vasina, Prezidente Parlamentu Nasional enkoraja ema hotu atu partisipa iha vasina hodi kombate covid-19. Tanba Timor-Leste mós hahú regista ona kazu mate ba Covid-19 inklui númeru kazu kontínua aumenta husi loron ba loron.
Tanba ne’e, maneira ne’ebe temki halo mak kontinua halo tuir regra Organizasaun Mundial Saúde no Ministériu Saúde nian, no ikus liu tenki simu vasina ne’e.
