Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Parlamento Nacional autoriza Estado Emergência ba dala 12º

Pagina Inicial»Noticia

Parlamento Nacional liu hussi Sessão Plenária extraordinária, iha loron 31 fulan março tinan 2021, autoriza Presidente da República, Francisco Guterres “Lu-Olo”, hodi decreta Estado Emergência ba dala 12º iha território nacional ho duração durante loron 30, hahú iha loron 3 fulan abril 00:00 horas too loron 2 fulan maio tinan 2021, 23:59 horas.

Antes tama discussão ba renovação Estado Emergência ne’e, Presidente Parlamento Nacional informa ba Plenária katak, Orçamento retificativo Governo entrega ona mai Parlamento Nacional horissehik lokraik, no ohin dadeer Mesa haruka ona ba Comissão C ne’ebe trata Assunto Finanças Públicas hodi halo apreciação ba Pedido de urgência ba proposta de lei orçamento retificativo. Apreciação ba pedido de urgência ne’e sei halo iha loron 6 fulan abril tinan 2021, horas 15h00 lokraik. Hafoin continua ho leitura guião no mensagem hussi Presidente da República kona-ba renovação Estado Emergência refere.

Hussi mensagem ne’e, descreve kona-ba impacto hussi pandemia Covid-19 iha mundo ne’ebé hamate ema rihun ba rihun, nune’e mos iha nação Timor-Leste, recentemente caso positivo covid-19 hamutuk 322 aumenta maka’as loroloron, considera hanessan transmissão local ne’ebé to’o ona município balun. Além de ne’e, ko’alia mos kona-ba numero caso infeção SARS-CoV-2 iha nação vizinho ne’ebé contínua aumenta, liuliu iha República Indonésia.

Tanba ne’e importante tebes Estado Timor-Leste continua implementa Estado Emergência nune’e Governo bele controla no previne di’ak liu tan moras refere. Entretanto medida sira mantem hanessan ho estado emergência anterior, no contínua concentra ba prevenção no combate covid-19.

Iha intervenção Deputado sira nian, questiona problema sira mak hanessan processo aprovisionamento iha Ministério de Saúde; apoio necessidade básico ba estudante no mos população sira afetado hussi Covid-19 iha cidade Díli laran; exigência submissão relatório execução orçamento Covid-19 nian hussi Governo ba Comissão C, nomos informação importante sira seluk liga ho implementação Estado de emergência nian; no ikus liu, hussu Governo atu contínua halo campanha socialização no halo prevenção ne’ebé máximo iha fronteira sira Díli ho município sira no mos fronteiras internacionais.

Autorização ba declaração Estado Emergência ne’e ho forma lei, ho nune’e, liu hussi discussão naruk, Deputado sira liu hussi votação nominal aprova Proposta Lei nº 26/V/3ª- Autorização da renovação da Declaração do Estado de Emergência, ho 49 Votos a favor, 0 contra no 14 abstenções. Nune’e autoriza Chefe Estado hodi decreta Estado Emergência ba dala 12º.

Ikus liu, Presidente Parlamento Nacional hato’o mensagem hodi convida ema hotu atu hamutuk ho Governo hodi hassoru desafio boot hodi controla Covid-19 no salva timoroan atu labele mate tanba covid no mos labele mate tanba hamlaha.

Sessão plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro da Mesa sira no hetan presença hussi Primeiro-Ministro, Taur Matan Ruak, hamutuk ho membro Governo sira seluk, nomos, equipa Sala de Situação.

Tags: