Pagina Inicial»Noticia
Parlamento Nacional, liu hussi Comissão B ne’ebe trata assunto Negócios Estrangeiros, Defesa no Segurança, realiza primeira visita fiscalização ba iha posto entradas principais iha cidade Díli hanessan iha Metinaro, Manleu, Balibar, Beduku Mota-Ulun no Tassitolu, hodi haree direita condições iha posto sira refere, iha sexta-feira, 27 fulan março tinan 2021.
Depois de visita fiscalização ne’e, Presidente Comissão B ba jornalista sira Parlamento Nacional nian hatete, baseia ba observação hussi comissão B nian, Polícia sira implementa regras tuir decisão ne’ebé Governo hassai hodi evita movimento cidadão sira hussi Díli ba Município no hussi Município mai Díli. Mesmos hanessan ne’e, companhia iha dificuldade ba acesso pedido autorização hussi Centro Integrado de Gestão Crises, tanba companha sira ne’ebe iha Município la acesso ba internet hodi facilita manda email ba iha Centro Integrado Gestão Crise, ho nune’e, Presidente Comissão B hussu atu bele hamenos burocracia ne’e.
Além de ne’e, Presidente Comissão B acrescenta liu tan katak, tuir observação Comissão nian, movimento cidadão sira iha posto entrada principal la cumpre regras prevenção hanessan, distanciamento social no usa máscara.
Presidente Comissão ko’alia mós kona-ba condições ba fatin serviço ba pessoal segurança no mos ba pessoal saúde sira iha posto entrada balun, precisa aumenta tan lona nomos casa de banho móvel, nune’e mós fornecimento hahán ne’ebe tarde hussi Centro Integrado Gestão Crise.
Visita fiscalização ne’e, lidera hussi Presidente Comissão B, Deputado José Augustino Siqueira “Somotxo” no acompanha hussi Deputado sira comissão B nian.
