Pagina Inicial»Noticia
Reunião Líder Bancada ne’ebe preside hussi Presidente Parlamento Nacional, Aniceto Longuinhos Guterres Lopes, iha loron 19 fulan março tinan 2021, iha sala conferência Parlamento Nacional, decide atu garante funcionamento normal Parlamento Nacional iha período confinamento no cerca sanitária.
Secretaria Mesa Parlamento Nacional, Deputada Lídia N. dos Santos Martins, hafoin reunião ba jornalista sira hatete, decisão ne’e líder bancada sira foti atu Parlamento Nacional continua serviço no bele foti decisão ruma liga ba pandemia Covid-19.
Nune’e iha sessão plenária semana oin, sei baixa ba Comissão A Projeto de Lei n.o 20/V(3ª) – Lei da Programação do Setor Justiça e Projeto de Lei n.o 22/V(3ª) – que aprova a primeira alteração ao DL n.o 10/2017, de março (Estatuto da Defensoria Publica).
Discussão no Votação iha generalidade da PPL n.o 21/V (primeira alteração à Lei de Defesa Nacional. No Parlamento Nacional mós sei halo levantamento de imunidade ba Deputado Antonio da Conceição.
Alem de ne’e iha reunião líder bancada mós halo apreciação ba parecer Comissão A nian kona-ba la iha participação Deputado sira iha debate Orçamento Geral de Estado 2021 nian. Sorin seluk informação kona-ba lançamento ba celebração tinan 20 Constituição da República Democrática de Timor-Leste.
