Pagina Inicial»Noticia
Deputado sira hussi Grupo Nacional União Interparlamentar (UIP) hanessan Deputado Adérito Hugo da Costa, hanessan Vice-Presidente ba Grupo Nacional União Inter Parlamentar, acompanha hussi Deputado Abel Pires, hanessan Secretário, participa iha reunião Asia-Pacifica Parlamentar, liu hussi videoconferência, iha loron 16 fulan março tinan 2021, iha sala formação Parlamento Nacional.
Objetivo hussi reunião ne’e atu haree liu ba programa no progresso (Sustainable Development Goal) SDGs nian iha Região Asia Pacifico liga ba pandemia COVID-19. Durante reunião nação sira partilha ba malu kona-ba situação nação ida idak nian liuliu kona-ba Covid-19.
Deputado sira partilha kona-ba política Governo Timor-Leste nian ho autorização Parlamento Nacional halo transferência extraordinária ba fundo petrolífero hodi atende ba situação Covid-19.
Parlamento Nacional continua usa nia papel liu hussi autorização legislação hodi fó kbiit ba Governo hodi combate vírus ne’e, inclui recuperação económica no seluk tan.
Situação sira ne’e quase nação sira enfrenta liuliu oinsá recupera hikas nia economia ho maneira ne’ebé cada nação define.
