Pagina Inicial»Noticia
Presidente Parlamento Nacional, Aniceto Longuinhos Guterres Lopes, hamutuk ho Deputado sira no funcionário sira Parlamento Nacional iha loron 09 fulan março tinan 2021, halo teste swap hussi equipa Ministério de Saúde, iha recinto Parlamento Nacional.
Participação hussi membro Parlamento sira no mos pessoal técnico sira prestador serviço sira seluk hanessan meios ida no exemplo ida hodi contribui ba combate covid-19.
Antes realiza teste swap, pessoal saúde sira explica uluk ba Deputado sira kona-ba lala’ok swap inclui maneira prevenção ne’ebe precisa hala’o.
Hafoin halo teste, Presidente Parlamento Nacional ba jornalista sira hatete, Parlamento ne’e hanessan Uma Fukun Povo nian, estabelece contacto ho população, entidades, membros ba órgão oi-oin tanba ne’e risco ba hadaet virus ne’e boot, tanba ne’e iha Parlamento mós iha medidas para atu controla covid la afeta ba ema hotu ne’ebe serviço iha Parlamento Nacional, rigorosamente tenki aplica regra protocolo Covid-19 no aban sei iha desinfestação total área Parlamento nian.
