Pagina Inicial»Noticia
Parlamento Nacional liu hussi sessão plenária iha semana oin sei halo eleição ba membro Conselho de Imprensa tuir lei n.o 5/2014 artigo 45º ne’ebe fó competência ba Parlamento Nacional atu hili candidato na’in rua ba membro Conselho de Imprensa.
Secretária da Mesa Parlamento Nacional, Deputada Lídia Norberta dos Santos Martins, hanessan Porta-voz Parlamento Nacional, iha loron 8 fulan janeiro tinan 2021, liu hussi conferencia imprensa hatete líder bancada sira concorda ona atu realiza eleição ba membro Conselho de Imprensa iha semana oin.
Porta-voz ne’e hatutan katak líder bancada sira mós concorda ona atu iha inicio 2021 ne’e discute no aprova ona proposta no projeto de lei hirak ne’ebé pendente hela.
Iha conferencia imprensa ne’e mós, Porta-voz Parlamento Nacional relata kona-ba atividade hirak ne’ebé Parlamento Nacional halo ona hahú iha loron 5 fulan janeiro tinan 2021.
