Deputado sira ne’ebé tama iha Grupo Jovens Parlamentares do Parlamento Nacional, iha loron 7 fulan janeiro tinan 2021, halo reunião preliminar ida iha sala GMPTL Parlamento Nacional.
Reunião preliminar ne’ebé lidera hussi Deputado Abel da Silva Pires ne’e ko’alia liu kona-ba preparação hirak ne’ebé grupo ne’e halo antes ba eleição mesa grupo de jovens parlamentares.
Hussi discussão refere, Grupo Jovens Parlamentares sei halo eleição ba mesa iha tempo oin mai ho presença hussi Presidente do Parlamento Nacional.
Deputado hirak ne’ebe envolve iha grupo jovens parlamentares mak hanessan; Deputada Noémia Sequeira, Deputado Dário Madeira, Deputada Lídia Norberta dos Santos Martins, Deputada Nélia Soares Menezes, Deputado Ricardo Baptista, Deputado Óscar de Araújo, Deputada Maria Angelina Lopes Sarmento, Deputado Abel da Silva Pires, Deputada Elvina Sousa Carvalho, Deputado Luís Roberto da Silva, Deputada Irene Gonzaga Sarmento, Deputada Isabel Maria Barreto Freitas Ximenes no Deputado António de Sá Benevides.
