Pagina Inicial»Noticia
Comissão E ne’ebé trata assunto Infraestrutura iha Parlamento Nacional, halo atividade fiscalização iha Região Administrativa Especial Oecússi-Ambeno (RAEOA), iha loron 16 too 18 fulan dezembro tinan 2020.
Fiscalização ne'ebé lidera hussi Presidente Comissão E Deputado Abel Pires da Silva, acompanha ho nia membro sira ne’e hahú fiscaliza estrada ligação Oecússi vila ba Posto Administrativo Oessilo no construção quarentena.
Presidente Comissão E hatete objetivo hussi fiscalização ne’e atu bele hatene kle’an no observa direta construção física tuir plano ne’ebé mak iha, nune’e bele recomenda ba Governo bainhira iha dificuldade ruma iha processo construção projeto sira.
Iha loron tuir mai, delegação Comissão E halo reunião ho Presidente Autoridade RAEOA, Arsénio Bano ho nia estrutura sira hodi ko’alia kona-ba processo desenvolvimento iha Oecússi liuliu parte infraestrutura nian.
Hafoin reunião ho autoridade RAEOA, delegação Comissão E continua ba observa estrada ligação Oecússi vila ba Naktuka inclui construção quarentena no residência ba pessoal de saúde sira.
Ikus hussi atividade fiscalização ne’e, Comissão E observa mós construção quarentena no residência ba pessoal de saúde iha aldeia Sanan Suco Costa.
