Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Loron daruak discussão OGE 2021 iha especialidade

Pagina Inicial»Noticia

Parlamento Nacional iha loron 5 fulan dezembro tinan 2020, continua halo discussão ba Proposta de Lei n.o 23/V (3º) – Orçamento Geral do Estado para 2021, iha especialidade.

Debate iha loron daruak ne’e, hahú iha 09h18 loke hussi Presidente Parlamento Nacional, Aniceto Longuinhos Guterres Lopes, hahú ho leitura ba agenda plenária nian no leitura ba orçamento ba Presidência do Conselho de Ministro.

Entretanto orçamento ba Ministério sira ne’ebé aprova iha loron ohin mak hanessan; Presidência do Conselho de Ministro $ 5.023.000; Secretaria de Estado para a Igualdade e Inclusão $ 2.554.000; Ministério Coordenador dos Assuntos Económico $ 2.117.000; Secretaria de Estado da Formação Profissional e Emprego $ 6.244.000; Secretaria de Estado de Cooperativas $ 7.623.000; Secretario Estado Ambiente $ 2.955.000; Ministério dos Assuntos Parlamentares e Comunicação Social $ 9.930.000 no Ministério das Finanças $ 34.133.000.

Enquanto iha Dotação para todo o governo, iha proposta alteração barak ne’ebé apresenta ona hussi Deputado sira, atu foti ossan hussi Reserva Contingência. Ho nune’e, Mesa no mos Governo iha concordância atu fó tempo ba Governo hodi resolve proposta sira ne’e hotu, ho nune’e Governo sei fila fali mai apresenta iha Parlamento Nacional iha loron, 9 fulan dezembro tinan 2020.   

Hussi aprovação hirak ne’e, sei iha alteração ba montante balun iha proposta original ba Ministério no Secretaria Estado balun, relaciona ho aprovação ba proposta alteração sira ne’ebé apresenta hussi Deputado sira.

Debate ne’e hotu iha horas 13h41, no discussão especialidade ne’e sei contínua iha loron 09 fulan dezembro tinan 2020, hodi continua ba ministério no Secretária Estado hirak ne’ebé seidauk hetan aprovação.

Sessão Plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro Mesa sira no marca presença hussi Primeiro-Ministro, Taur Matan Ruak, acompanha ho nia membro Governo sira.

Tags: