Delegação Parlamento Timor-Leste ba União Interparlamentar (UIP) Partisipa iha videoconferência União Interparlamentar Mundial (UIP). Delegação ne’e lidera husi Presidente do Grupo UIP, Deputada Veneranda Lemos acompanha hussi Vice-Presidente do Grupo, Deputado Adérito Hugo da Costa no Secretário Deputado Abel Pires, iha loron 01 fulan novembro tinan 2020, iha sala conferências Parlamento Nacional.
Agenda iha videoconferência maka eleição ba Presidente União Interparlamentar Mundial (UIP) foun ba período tinan tolu. Apresentação Candidatura ema nain haat (4), hussi nação diferentes mak hanesan; Sr. Muhamand Sadig Sanjrani hussi Pakistan; Sr. Duarte Pacheco hussi Portugal; Sr. Ajnak Saidov hussi Uzbekistan; Sra. Salma Ataullahjam hussi Canada. Resultado hussi eleição ba Candidato nain haat (4) ne’e, eleito hussi candicatura Portugal nian, Sr. Duarte Pacheco hanessan Presidente União Interparlamentar Mundial foun, ho votus 222.
Timor-Leste nia posição mak fo apoio ba candidatura hussi Portugal nian, Sr. Duarte Pacheco liu hussi votação online.
Timor-Leste nia participação iha União Interparlamentar (UIP) iha vantagem boot tebes, tamba wainhira ita iha assunto ruma ne’ebé importante levanta iha reunião UIP nian, países membro sira sempre fo apoio.
