Associação Independente Recolha Dados Veteranos falsificados (AIRDVF) halo encontro ho Presidente Parlamento Nacional, Aniceto Longuinhos Guterres Lopes, iha Sala Gabinete Presidente Parlamento Nacional nian, iha loron 29 fulan outubro tinan 2020.
Objetivo hussi reunião nee, AIRDVF mai hatoo ba Presidente Parlamento Nacional sira nia serviço ligado ho verificação dados veteranos, no encaixa mos programa orçamento associação nian ba Orçamento Geral do Estado.
Depois de encontro ba jornalista sira, representante Associação ne’e hatete, AIRDVF serviço durante tinan rua resin identifica ona veteranos balun neebe halo falsificação ba documento hodi simu osan.
Relaciona ho assunto sira ne’ebé apresenta hussi AIRDVF, Presidente Parlamento Nacional husu ba Associação AIRDVF atu serviço ho estruturado no sistematizado hodi bele quebra ka combate atividade falsificação sira ne’e. Em relação ho orçamento, Presidente Parlamento Nacional hatete, depende ba orçamento Associação ne'e rassik, se no caso orçamento associação tama ona iha Sociedade Cívil possibilidade OGE 2021 Associação bele hetan.
