Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Comissão E halo audiência ho Vice-Primeiro Ministro

Pagina Inicial»Noticia

Comissão E ne’ebé trata assunto Infraestrutura, iha loron 22 fulan outubro tinan 2020, halo audiência ho Vice-Primeiro Ministro no Ministro do Plano e Ordenamento, José Maria dos Reis, iha sala reunião Ministério do Plano e Ordenamento Hudi-Laran Díli.

Presidente Comissão E, Deputado Abel Pires da Silva hatete audiência ne’e halo atu Comissão E bele hetan informação barak kona-ba projeto hirak ne’ebé implementa iha Timor laran tomak.

Tanba durante fiscalização Comissão E nian iha tereno, identifica no simu preocupação barak hussi entidade oioin relaciona ho projeto sira ne’ebé implementa iha município sira.

Nune’e Comissão precisa tebes informação no dados suficiente hussi Governo liuliu Ministério Plano no Ordenamento, Agencia de Desenvolvimento Nacional (ADN), Concelho de Administração do Fundo Infraestruturas (CAFI), no Gabinete Grandes Projetos hodi bele buka solução iha futuro, liuliu 143 projeto ne’ebé sai polémica iha público inclui projeto emergência sira seluk.

Vice-Primeiro Ministro no Ministro do Plano e Ordenamento hatete horas ne’e daudaun Governo esforço makas atu buka solução ba projeto 143, tanba Governo liu hussi ADN halo ona verificação ba projeto no tempo badak sei cria equipa ida hodi identifica projeto hirak ne’e hodi soluciona.

Total projeto ne’ebé lao hela iha território nacional hamutuk 820 projeto, no ministério liu hussi nia autoridade competente sira continua supervisiona no controlo ba implementação projeto refere.

Iha loron hanessan, Comissão F ne’ebé trata assunto Saúde, Segurança Social e Igualdade Género, halo audiência ho UN Women kona-ba abordagem ba igualdade de género, iha sala Comissão F Parlamento Nacional.

Tags: