Pagina Inicial»Noticia
Parlamento Nacional liu hussi sessão plenária ordinária, iha loron 19 fulan outubro tinan 2020, iha período de Antes da Ordem do Dia, Bancada Parlamentar CNRT halo declaração politica hodi responde ba declaração Bancada FRETILIN nian, kona-ba lala’ok situação politica iha rai laran.
Iha intervenção diversas, Deputado sira contínua questiona problema sira mak hanessan, iha parte saúde mak hanessan, falta material iha Hospital Nacional Guido Valadares hodi atende moras urgência sira, ambulância iha distrito no subdistrito la iha; salario pessoal saúde balun iha quarentena la tuir contrato; la iha moru proteção ba centro saúde sira iha municípios; hussu atu reativa programa saúde iha família;
Iha parte educação, Estatuto Professores contratado seidauk claro; professor balun seidauk hetan salario retroativo to agora; estudantes bolseiros ne’ebé Governo mak haruka ba continua estudos iha rai li’ur, wainhira estudo hotu Governo la aproveita, abandona hela sira; repatria estudante sira iha nação Filipina no mos Israel.
Problema seluk mak hanessan, subsidio covid ba Jornalista sira no mos subsidio ba reclamante uma kain, ne’ebé to agora seidauk halo pagamento. Além de ne’e, questiona mos problema necessidade básicas mak hanessan, falta bee moos, eletricidade, Estradas no mos informação importante sira seluk.
Relaciona questão sira ne’e, Ministro dos Assuntos Parlamentares e Comunicação, Francisco Jerónimo, hatete, repatriação estudante Israel, Governo trata hela atu repatria mai; ba estudante sira iha Filipina sei hato’o ba Ministério competente hodi resolve, relaciona ho problema bee moos, estrada no eletricidade no mos problema sira seluk sei hare hamutuk iha discussão OGE 2021, hodi decide nia prioridade no Governo bele implementa.
Iha período da Ordem do Dia, Plenário atu halo discussão no votação ba projeto de resolução nº. 59/V(3ª)-Recomenda ao Governo a adoção de medidas de proteção a crianças e jovens, maibé, la consegue realiza tanba la iha quórum, ho ida ne’e Mesa anúncio katak sei reagenda iha plenária semana oin.
Sessão Plenária ne’e preside hussi Vice-Presidente Parlamento Nacional, Luís Roberto da Silva, acompanha hussi membro Mesa sira nomarca presença hussi Ministro de Assuntos Parlamentares e Comunicação, Francisco Jerónimo.
