Mensagem de erro

  • Warning: A non-numeric value encountered em element_children() (linha 6738 de C:\www.parlamento.tl\includes\common.inc).
  • Warning: A non-numeric value encountered em element_children() (linha 6738 de C:\www.parlamento.tl\includes\common.inc).
  • Warning: A non-numeric value encountered em element_children() (linha 6738 de C:\www.parlamento.tl\includes\common.inc).

Estado precisa espaço ne'ebé natoon para Parlamento hala’o nia funções no competência ho efetividade iha futuro

Pagina Inicial»Noticia

Gabinete Presidente Parlamento Nacional

Comunicado Imprensa

Estado precisa espaço ne'ebé natoon para Parlamento hala’o nia funções no competência ho efetividade iha futuro

Hanoin ka ideia ba halo edifício próprio Parlamento Nacional nian hahú kedas Primeira Legislatura too agora, la'ós hanoin foun ka inventa necessidades foun hodi gasto ossan Estado nian, no ignora povo nia condição moris. Iha legislatura hirak uluk halo ona estudos balu no esboço edifício no panorama arredores sede Parlamento Nacional, identifica fatin balu hanessan iha Tassitolu, iha Palácio Presidente Republica nia kotuk, Bairro Pité no iha ex-edifício finanças Kaikoli maibé seidauk hahú construção.

Ho hanoin no iniciativa sira lao ona kona-ba futuro edifício Parlamento Nacional mak Presidente Parlamento Nacional atual hahú explora possibilidade espaço liu hussi comunicação ho Ministro Justiça, atu identifica espaço ne'ebé razoável fora hussi cidade Díli, ho visão no conceito espaço Parlamento Nacional ne'ebé integrado. Integrado significa iha espaço ne'ebé natoon ba edifício Parlamento Nacional ho condições ba unidades orgânicas parlamentares, ba unidades orgânicas administração parlamentar, ba deputado ida-idak atu hala’o sira-nia funções ho efetivo no iha espaço ba atendimento digno cidadão sira ne'ebé ba hassoru sira-nia representante inclui visitante seluk. Situação seluk mak atu mantem Deputado sira bessik nafatin ho sira-nia família tanba representante povo hanessan agora no iha futuro, barak mak mai hussi município no la iha hela-fatin permanente iha Díli.

Iha conceito no visão ida ne’e mak ita enquadra tan residências ba Deputado sira iha fatin ida ne'ebé bessik sede Parlamento Nacional hodi garante efetividade serviço no reduz ka elimina custos adicionais ba alojamento ne'ebé atribui ba Deputado sira too agora. 

Cargo no responsabilidade ne'ebé atribui ba Presidente Parlamento mak dudu ha'u continua lança hanoin ida-ne’e ba público no halo esforço atu hahú ação concreta ruma. Nu’udar líder órgão Soberania ida iha Timor-Leste, precisa iha hanoin boot kona-ba funcionamento no qualidade produto serviço hussi órgão soberania ida-ne’e iha futuro. Ita hotu hatene no reconhece situação no acontecimento sira ne'ebé mossu iha ita-nia órgão soberania ida-ne’e. “Mai ha'u ida ne’e mak motiva no encoraja ha'u atu halo esforço hotu hodi hahú etapa foun no marca diferença maibé reconhece nafatin esforço ne’ebe lao tiha ona no resultado balu ne'ebé ita atingi ona”.

Parlamento Nacional mak centro dinâmica politica, legislação no fiscalização no controlo ba qualidade desenvolvimento iha Timor-Leste no Timor-Leste nia convivência regional no internacional. Nu’udar titular ba órgão ida-ne’e precisa iha visão boot kona-ba órgão soberania nia sustentabilidade ho qualidade iha futuro ne'ebé condiciona mós ho infraestrutura no facilidades adequado. Maibé tenki hahú agora ho visão no conceito estratégico ne'ebé lori tempo no recursos hodi atingi nia meta final. Ne’e duni visão no conceito ne’e sei la finaliza iha tinan ida, rua ka tolu nia laran, significa la'ós mai ha’u ka Deputado sira iha legislatura ida-ne’e. Karik balu sei sai Deputado nafatin iha legislatura sira tuir mai, ne’e questão seluk ida.

“Ha'u seidauk orienta ema ida atu ko’alia ka traça alocação orçamento ba assunto ida ne’e, ka halo plano lançamento ba projeto ida-ne’e”. Ponto 3 hussi artigo 4, ne'ebé kona-ba sede, património no instalações Parlamento Nacional nian iha Lei nu.12/2017, 24 Maio hatete katak Presidente Parlamento Nacional bele determina mudança ba sede Parlamento Nacional ho votos favorável hussi conferencia representantes bancadas parlamentares no ratifica iha plenário. Tanba ne’e mak ha'u precisa hetan uluk resposta atribuição terreno hussi Ministério Justiça kona-ba espaço futuro cede Parlamento Nacional inclui residências ba deputado sira atu hela durante mandato la'ós sai na’in ba residência ne’e.

Estado mak sai na’in ba uma residência ne’e. Deputado sira utiliza de’it ba hela durante sira-nia mandato, la'ós propriedade privado deputado ida-idak nian. Mandato remata tenki hussik hela-fatin ne’e ba fali Deputado seluk ne'ebé hetan confiança nu’udar representante povo.  

Iha questões financeiras no efetividade função lubuk ida mak sai mós consideração ba coloca residência Deputado sira bessik sede Parlamento Nacional. Too agora Deputado ida simu $450 ba alojamento cada fulan, tinan 1 Deputado ida hetan $5.400, tinan ida 65 deputados hetan $351.000,00. Iha legislatura (tinan 5) ida Estado sei gasta $1.755.000,00 ba de’it alojamento. Hodi reduz ka elimina total orçamento ida-ne’e mak precisa iha duni residência ba Deputados bessik kedas sede Parlamento Nacional.

Questão seluk mak eficácia tempo serviço. Público hatene ona kona-ba fraqueza cumprimento horas serviço Deputado sira. Razão barak liu kona-ba incumprimento horas serviço ne’e mak distancia hela-fatin ho cede Parlamento Nacional ne'ebé dook ba Deputado lubuk ida.

Cumprimento rigoroso horas serviço condiciona ho fatin no facilidade serviço ne'ebé adequado sei produz resultado ne'ebé ho qualidade di’ak liu tan iha futuro. Ne’e duni sede Parlamento Nacional, residência ba Deputados, facilidades no condições adicionais seluk ne'ebé relevante precisa hanoin no tetu agora para lori ita hotu contribui ba forma ita-nia Parlamento Nacional ho Deputados ne'ebé desempenha serviço ho qualidade di’ak liu tan iha futuro.

 

Parlamento Nacional, 19 Agosto 2020

 

Tags: