Pagina Inicial»Noticia
Parlamento Nacional liu hussi sessão plenária ordinária iha loron 27 fulan julho tinan 2020, halo ona aprovação ba Projeto Resolução nº 54/ V (2ª) - Aprova Orçamento Parlamento Nacional ba tinan 2020 ho 54 votos a favor, 0 contra no 0 abstenções.
Teto orçamental ne’ebé Governo determina ba Parlamento Nacional ho montante $9.163.480 milhões ba tinan 2020. Entretanto orçamento ne’ebé elabora hussi parte secretariado no aprovado iha Conselho de Administração ho total $12.039.884 milhões, ne’ebé fahe ba categoria; Salários e Vencimentos (46,2%) - $5.556.507 milhões; Bens e serviços (42,6%) - $5.124.540 milhões; Capital Menor (0,8%) - $96.919 mil; Capital de Desenvolvimento (0,03%) - $3.919 mil; no Transferências (10,5%) - $1.258.000 milhões.
Proposta orçamento ne’ebé mak aprova iha Conselho de Administração excede limite ne’ebé mai hussi Governo ho montante $2.876.404 milhões, hodi bele responde ba necessidade Parlamento Nacional nian, inclui selu divida sira ne’ebé iha.
Liu hussi discussão naruk, Deputado sira fó prioridade ba plano no programa ne’ebe mak iha ho nia execução ne’ebé eficácia no eficiência. Deputado sira mós avisa ba malu, inclui secretariado atu implementa programa sira ho cuidado.
Hafoin aprovação, Comissão C ne’ebé trata assunto Finanças Publicas, sei halo redação final antes haruka ba Governo hodi tau iha Orçamento Geral do Estado 2020 nian.
Sessão Plenária ne’e preside hussi Presidente Parlamento Nacional, Aniceto Longuinhos Guterres, acompanha hussi membro Mesa sira.
