Pagina Inicial»Noticia
Representante Santa Sé iha Timor-Leste, Núncio Apostólico, Monsenhor Marco Sprizzi, ho nia equipa halo reunião ho Presidente do Parlamento Nacional, Aniceto Longuinhos Guterres Lopes, iha loron 15 fulan julho tinan 2020, iha gabinete Presidente nian.
Durante reunião, alem de congratula Presidente do Parlamento Nacional ho nia composição da Mesa, ko’alia liu kona-ba implementação Concordata entre Santa sé ho Estado Timor-Leste, ne’ebe mak ratifica ona iha tinan 2015 hussi Parlamento Nacional, ne’ebe Timor-Leste iha obrigação hodi implementa tuir lei timor nian.
Informa mós kona-ba Proposta de Alteração ba Lei Migração no Asilo, ne’ebe sei haree kle’an mós kona-ba religioso balun ne’ebe tinan barak ona iha Timor-Leste.
Presidente do Parlamento Nacional agradece ba visita representante Vaticano iha Timor-Leste ba Parlamento Nacional, sublinha katak horas ne’e daudaun proposta de alteração ne’e Comissão A no B hala’o hela discussão, no sei apresenta relatório no parecer antes halo aprovação iha Plenária.
Presidente do Parlamento Nacional garante katak Deputado sira sei fó consideração máximo ba ponto importante sira tuir preocupação Núncio Apostólico nian.
