Pagina Inicial»Noticia
Presidente Grupo Parlamentar Amizade de Timor Leste, Deputado Abel Pires da Silva, acompanha hussi membro sira halo reunião ho Embaixador do Japão, Kinofuchi Masami, ho nia equipa, iha loron 13 fulan julho tinan 2020, iha sala Conferência Parlamento Nacional nian.
Reunião ne’e ho objetivo atu hametin relação amizade entre Timor-Leste ho Governo Japão, iha âmbito desenvolvimento nacional.
Embaixador Japão hateten hussi programa ka projeto hirak ne’ebe Governo Japão apoio ba Timor-Leste, balun finaliza ona, no balun iha hela processo construção.
Governo Japão mós continua fó nia prontidão hodi apoio ba Governo Timor-Leste liuliu prevenção no combate Covid-19.
Presidente Grupo Parlamentar Amizade de Timor-Leste agradece ba Governo Japão ne’ebe iha vontade hodi apoio povo no Governo Timor-Leste.
Deputado Abel Pires da Silva mós aprecia tebes ba apoio subsidio ba estudante timoroan sira ne’ebe estuda hela iha Japão, no espera continua hametin amizade entre nação rua ne’e iha futuro mai.
