Klibur Instituto Ensino Superior Privado Timor-Leste, halao audiência ho Comissão G, ne’ebe trata assuntos Educação, Cultura, e Cidadania, iha loron 8 fulan julho tinan 2020, iha sala reunião GMPTL.
Depois de audiência, ba Jornalista sira Presidente Comissão G, António Verdial de Sousa hatete, foin primeira vês iha V legislatura Comissão G halao audiência ho klibur Instituto Ensino Superior Privado Timor-Leste, composto hussi Universidade Privado hamutuk sanulu.
Klibur Ensino Superior Privado Timor-Leste mai hato sira nia preocupação ba Parlamento Nacional, atu hadia qualidade do ensino nomos cria condição iha Ensino superior privada sira.
Iha encontro ida ne’e, comissão simu proposta hussi klibur Ensino Superior Privado Timor-Leste, no sei halo discussão iha Comissão hafoin reencaminha ba Mesa Parlamento Nacional hodi hetan consideração.
Iha parte seluk, Presidente Klibur Ensino Superior Privado Timor-Leste Dr. Augusto Soares hatete, encontro ho Comissão G Parlamento Nacional atu hato’o preocupação no dificuldade ne’ebe mak durante ne’e Ensino Superior Privado Timor-Leste sira enfrenta iha área desenvolvimento recurso humanos. Além de ne’e, apresenta mos proposta ba Deputado sira hodi tau iha consideração iha Orçamento Geral do Estado nune bele ajuda ensino superior privado sira.
Audiência ne’e, lidera hussi Presidente Comissão G, António Verdial de Sousa acompanha hussi Deputados sira Comissão G nian ho presença Reitores hussi Universidade Privado sira ne’ebé mak hamahan aan iha Klibur Ensino Superior Privado Timor Leste.
