Comissão G, ne’ebé trata Assunto Educação, Juventude, Cultura e Cidadania halao fiscalização ba escola balun iha Díli laran mak hanesan Escola Akadiruhun, Escola Católica São Carlos Manleuana no Escola 30 de Agosto-Comoro´, iha loron 02 fulan julho tinan 2020.
Objetivo hussi fiscalização ne’e atu hare besik liu tan preparativos escola sira nian, precisa intensifica no haforsa coordenação no cooperação entre líder escola ho Diretor Municipal atu nune’e serviço iha futuro ne integralmente bele lao hanessan.
Iha fiscalização ne’e, Presidente Comissão G, Deputado António Verdial informa katak, tuir observação Deputado sira nian, iha comunidade balun nia uma besik liu ba Escola Akadiruhun, husu ministério competente sira atu halo coordenação mutua hodi resolve hamamuk fatin. Presidente ne’e mos apela ba população sira ne’ebé hela iha areadores ou recinto escola ne’e atu iha consciência katak fatin ne’e escola nian no tenki fo fali ba escola.
Relaciona ho observação ba Escola Católica São Carlos, condições reais escola nian preenche ona requisitos Organização Mundial Saúde, nune’e mos ba Escola 30 de Agosto, preparado ba reinicio processo de aprendizagem.
Atividade hanesan, Comissão ida ne’e halao ona iha semana kotuk ba Escola Técnica Vocacional Economia-Becora no Escola Técnica Vocacional 28 de Novembro- Becora.
Além de ne’e, Comissão B ne’ebe trata assuntos Negócios Estrangeiros, Defesa e Segurança, halo discussão no aprovação iha especialidade ba Lei Proteção Civil; Comissão E ne’ebé trata assuntos Infraestrutura halao visita de fiscalização ba edifício Direção Nacional de Transportes e Terrestre iha Comoro
