Pagina Inicial»Noticia
Presidente Parlamento Nacional, Aniceto Longuinho Guterres Lopes acompanha hussi Secretaria Mesa no Vice-Secretário, Participa iha Cerimonia troca Cargo Presidente Cessante Concelho Consultivo do Fundo Petrolífero (CCFP) ba Presidente eleito, cerimonia ne’e hala’o iha loron 19 fulan junho tinan 2020, iha corredores Parlamento Nacional.
Presidente CCFP eleito mak Sr. Juvinal Dias hodi troca Presidente cessante Padre Júlio Crispim Ximenes Belo.
Iha ocasião ne’e, Presidente Parlamento Nacional halo mós Lançamento ba Relatório Anual tinan 2016-2018 Concelho Consultivo do Fundo Petrolífero nian.
Depois de cerimónia, Presidente Concelho Consultivo Fundo Petrolífero foun ba jornalista sira hatete CCFP sei serviço tuir mandato ne’ebe mak previsto iha Lei fundo Petrolífero hodi fó parecer mais crítico no construtivo ba Parlamento Nacional, kona-ba utilização fundo petrolífero ba Orçamento Geral do Estado.
Além de ne’e, Presidente CCFP mós considera katak Timor-Leste nia recurso único mak Fundo Petrolífero, tanba ne’e, precisa mais apreciação atu ajuda Parlamento Nacional bainhira foti decisão ruma liga ho levantamento fundo petróleo nian.
Marca presença iha cerimónia ne’e mak hanessan, Ministro Assuntos Parlamentares, representante Banco Central, representante Ministério Finanças, Deputado sira nomos Secretária-Geral Parlamento Nacional ho Diretor sira.
