Pagina Inicial»Noticia
Parlamento Nacional liu hussi Comissão E ne’ebe trata assunto Infraestruturas, ne’ebé lidera hussi Presidente Comissão, Deputado Abel Pires, acompanha hussi membro Comissão sira halo fiscalização iha Município Baucau no Manatuto iha loron 28 fulan maio tinan 2020.
Objetivo hussi fiscalização ne’e atu observa no rona kona-ba preocupação pessoal segurança sira iha subestação central elétrica iha Município Baucau no Manatuto ne’ebé fulan sanulu-ressin-ida ona la simu sira-nia salario.
Total pessoal segurança iha subestação elétrica Baucau hamutuk na’in 39 no Manatuto hamutuk na’in 36.
Tanba ne’e atividade refere Comissão E halo atu identifica causa hussi problema refere nune’e bele comunica no reunião ho ministério relevante inclui companha segurança ne’ebé responsável hanessan Lorosae Segurança no Guardamor hodi resolve.
Iha loron hanessan, Comissão G ne’ebé trata assunto de Educação, Juventude, Cultura e Cidadania, mós halo atividade fiscalização iha Município Baucau.
