Pagina Inicial»Noticia
Comissão C iha Parlamento Nacional ne’ebé trata assuntos Finanças Públicas, iha loron 27 fulan março tinan 2020, halo audiência publica ho Ministério das Finanças no Banco Central de Timor-Leste, iha sala Plenário.
Audiência ne’e halo atu discute kona-ba Proposta de Lei n.o 13/V (2ª) – Autorização para realização de uma transferência extraordinária do Fundo Petrolífero.
Durante audiência Ministra interina das Finanças, Sara Lobo Brites, apresenta kona-ba plano apresentação proposta de lei refere liuliu kona-ba montante orçamento $250 milhões ne’ebé Governo propõem.
Iha situação emergência hanessan Timor-Leste agora daudaun, Governo precisa orçamento ne’ebé suficiente hodi atende necessidade sira inclui garante financiamento ba duodecimal ne’ebé lao daudaun.
Governador do Banco Central de Timor-Leste, Abraão de Vasconcelos, reconhece situação agora daudaun precisa orçamento hodi financia ba atividade urgente sira liuliu prevenção ba combate Covid-19, maibé Governo mós precisa identifica área sira importante liu hodi atende. Tanba situação ne’e mundo tomak preocupa no reconhece afeta ba economia nação nian.
Presidente da Comissão C, Deputada Fernanda Lay, sugere ba Governo liuliu Ministério das Finanças atu desagrega monta $250 milhões ne’e atu Deputado sira bele entende, nune’e bele apoio hanoin ruma bainhira identifica katak montante refere la too hodi atende necessidade sira.
Audiência ne’e preside hussi Presidente da Comissão, Deputada Fernanda Lay, acompanha hussi membro da comissão ho presença hussi Ministra interina das Finanças, Sara Lobo Brites ho nia equipa no Governador do Banco Central de Timor-Leste, Abraão de Vasconcelos, ho nia equipa.
