Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Parlamento Nacional aprova pedido Estado Emergência

Pagina Inicial»Noticia

Parlamento Nacional iha loron 26 fulan março tinan 2020, liu hussi reunião Plenária extraordinária, halo apreciação ba pedido declaração de Estado de Emergência ne’ebé submete hussi Presidente da República.

Pedido declaração Estado Emergência iha Timor-Leste relaciona ho facto hussi vírus corona foun, Covid-19, ne’ebé agora considera ona hanessan pandemia mundial no sei da’et makas, ho nune’e, medida prevenção hotu no halo disseminação atu labele aumenta perigo ba saúde pública. Além de ne’e, Nação iha ona caso confirmado ida, declaração Estado de Emergência ne’e, durante loron 30 hanoin atu controla número infetado sira, atu nune labele hanessan ho nação sira seluk. Concretamente, Estado de Emergência implica ba medida sira ne’ebé rigor liu no bele implica ba limitação ou mesmo suspensão exercício direitos, liberdades e garantias fundamentais ema nian.

Iha discurso Primeiro-Ministro, Taur Matan Ruak nian, hatete necessário tebes esforço nacional ida ba concentração recursos hotu ne’ebé possíveis atu previne ba propagação vírus iha ita nia rain. Hatete mós, nação tem que foti ação agora atu la bele iha tan aumento ba caso ne’e, tanba sistema de saúde nacional iha dificuldade no limitação sira, ho nune’e, la iha capacidade suficiente atu trata paciente barak. Primeiro-Ministro mós fó hatene katak halo ona medidas oioin, hanessan halo campanha kona-ba higiene iha fatin público sira hotu, impedimento ba entrada cidadão sira hussi nação infetados no triagem iha fronteira sira hotu no halo distanciamento social; além de ne’e, alerta mós kona-ba forma necessário seluk ba prevenção nian, mak hanessan restrição ba liberdades no direitos balun. No ikus, apela ba ema hotu-hotu ne’ebé marca presença atu apoio hodi combate pandemia mundial ida-ne’e, ho nune’e, hussik lai impasse político no hotu-hotu mantem unidos.

Iha intervenção hussi Bancada Parlamentar, Deputado sira hotu concorda atu trata hanessan momento calamidade pública ida, ho nune’e, Estado de Emergência hanessan solução di’ak. Declara mós katak tem que iha quarentena iha uma, forma ida atu garante no ema hotu tem que cumpre; defende mós hapara atividade sira hotu Estado nian, antes tarde; hatete mós katak realidade ema hotu-hotu tem que iha responsabilidade hodi respeita ba medida sira ne’ebé mak sei foti; reafirma mós katak tem que iha unidade nacional hussi parte hotu-hotu, inclui mós partido político sira, agora tem que unido ba povo timoroan. Iha parte seluk, iha mós apresentação balun kona-ba detalho hussi Estado de Emergência, hanessan especificação ba comportamentos ne’ebé mak atu adota hussi estabelecimento sira ba sassán alimentar, circulação ema nian iha estrada, transação no levantamento bancária sira, mobilização pessoal saúde nian no mós força de segurança, confirmação ba funcionamento ba serviço mínimo sira.

Resposta ba preocupação ne’ebé hato’o hussi Deputado sira, Primeiro-Ministro hatete, em relação ho logística ba sassán alimentar nian, Governo tem de organiza. Afirma mós katak Estado iha ossan suficiente atu ajuda população no empresa sira monetariamente ne’ebé banco sira sei bele hatún taxas de juro. Primeiro-Ministro explica mós katak, Governo sei responde situação ida ne’e ho melhor forma no força polícia sira sei ajuda hodi controla.

Ministra da Saúde interina, Élia Antónia de Araújo dos Reis Amaral, aproveita hodi fó agradece ba ajuda hotu hussi nacional no internacional, mak hanessan Organização Nacional de Saúde (OMS), nune mós serviço interministerial ne’ebé mak lao hela. Contínua iha Discurso Ministra nian esclarece katak nação precisa no hahú previne agora, tambá suspeito sira bele aumenta. Informa mos katak sei la fó dados detalhes ema ne’ebe moras no suspeito sira, tanba respeita ba integridade ema ida-idak nian, no Ministério conta ho apoio máximo hussi Organização das Nações Unidas (ONU) no mós Cruz Vermelha hodi adota medida prevenção sira. Iha sentido ne’e, sei sossa equipamento proteção ba pessoal de saúde sira.

Ministro dos Negócios Estrangeiros e Cooperação, Dionísio Babo, fó resposta ba preocupação hussi Deputado sira, katak, assegura Timor-Leste halo hela contacto ho nação seluk atu apoio iha aquisição de equipamentos, medicamentos no mós iha criação ba laboratório ida atu halo teste ba vírus ih arai laran. Antes termina intervenção encoraja cidadão timor oan sira hotu ne’ebe mak iha nação seluk atu halo contacto ba embaixada sira karik iha dúvida ou necessidade ruma.

Ministro da Reforma Legislativa e Assuntos Parlamentares, Fidélis Leite Magalhães, informa ba Plenário katak existe ona plano económico ida atu previne vírus no foin daudaun semana ne’e aprova ona resolução ida kona-ba providências oioin ne’ebé mak atu toma iha tempo útil, mak hanessan continuidade ba transporte aéreo, marítimo e terrestre hodi assegurar equipamentos, alimentos atu bele usa em caso de emergência; estabelecimento ba comunicação eletrónica ho funcionamento permanente ba canais informação nian; dispensa temporária ba tarifa vê-mos no eletricidade; pagamento ba salários no subvenção ho forma antecipadamente, no assunto seluk tan. Relativamente ba regra sira ba estabelecimento ba sossa sassán necessário, cada ema tem que obedece ba determinação regra sira ba proteção cidadão sira.

Ministro da Defesa, Filomeno da Paixão de Jesus, garante katak iha ona equipa policia sira ne’ebe mak cria ona hodi fó apoio atu protege fronteira sira no atu garante segurança iha nação laran. Menciona mós reforça hussi polícia iha fronteira sira iha entrada no saída ilegal sira no disponibilidade total hussi Polícia Nacional de Timor-Leste (PNTL) nomos hussi Forças Armadas 24 horas durante período ida-ne’e.

Ministro da Justiça, Manuel Cáceres da Costa, fó resposta ba questão relativa ho situação prisioneiro sira nian, confirma katak horas ne’e daudaun iha 823 prisioneiro, fahe ba iha prisão tolu ne’ebé existe, condenado sira ne’ebé mak iha prisão preventiva, sei iha restrição ba visita hussi família sira, tanba questão saúde no possibilidade de transmissão vírus. Alerta mós katak Ministério da Justiça sei suspende ninia atendimento ba emissão documento sira ba cidadão sira (exemplo passaportes, bilhetes de identidade), maibé sei continua atu prevê serviço sira ba público ho número reduzido hussi pessoal.

Liu hussi discussão naruk, apresenta documento ida kona-ba medida balun hodi bele considera iha decreto do Governo.

Tuir mai hakat ba votação nominal, ne’ebé ho unânime: 64 votos a favor. Ho ida-ne’e, Timor-Leste hahú nia Estado de Emergência iha 00h00 iha loron 28 fulan março durante loron 30.

Sessão Plenária preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, no hetan presença hussi Primeiro-Ministro no membro do Governo balun. 

 

Tags: