Pagina Inicial»Noticia
Equipa hussi Organização Mundial de Saúde (OMS) NO Programa das Nações Unidas para o Desenvolvimento (PNUD), halo reunião ho Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, Chefe Bancada sira no Secretária-Geral Parlamento Nacional ho nia estrutura sira, iha loron 20 fulan março tinan 2020, iha sala de conferência.
Durante reunião, equipa OMS ne’ebé liderado hussi Rajesh Pandav, explica kona-ba existência Vírus Corona ne’ebé horas ne’e daudaun ataca mundo, no oinsá halo prevenção ba vírus ne’e.
Representante PNUD, Munkhtuya Altangerel, ko’alia kona-ba impacto economia ne’ebé Timor-Leste sei hassoru tanba bele iha crise economia, nune’e precisa colabora ba desenvolvimento politica publicas ne’ebé di’ak.
Timor-Leste mós hanessan nação sira seluk iha ameaça makas ba Covid-19, tanba ne’e Estado precisa ativo hodi previne vírus refere. Equipa OMS hussu ba Parlamento Nacional atu apoia Governo liuliu Ministério da Saúde atu cria condição ba cidadão sira.
Presidente do Parlamento Nacional hussu ba parte hotu-hotu atu colabora ba malu hodi combate no previne vírus refere.
