Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Estudante sira hussi Escola Secundaria Católica Amigo de Jesus halo visita guiada ba Parlamento Nacional

Pagina Inicial»Noticia

Estudante sira hussi Escola Católica Amigo de Jesus, hamutuk na’in 40 composto hussi feto 20 no mane 20, hala’o visita guiada ba Parlamento Nacional, iha loron 24 fulan fevereiro tinan 2020. 

Iha abertura ba atividade ne’e, Chefe Divisão da Relações Publicas Comunicações e Educação Cívica, Dionisio de Jesus Lopes, hateten objetivo hussi visita guiada ne’e atu fahe informação ba estudante sira liuliu kona-ba papel no funcionamento segundo órgão soberano nian atu nune’e sai hanessan referencia estudante sira iha futuro.

Iha fatin hanessan representante Diretora da Escola Secundaria Católica Amigo de Jesus, Edi Goncalves, iha nia intervenção hateten parte escola agradece ba Parlamento Nacional ne’ebé bele convida estudante sira hodi participa iha visita guiada ne’e hodi bele aprende kona-ba papel no funcionamento segundo órgão soberano nian.

Hanessan visita guiada ne’ebé hala’o ona antes ho escola sira seluk, iha atividade ne’e mós Diretor Apoio Parlamentar, Joaquim Vicente, apresenta matéria kona-ba papel no funcionamento Parlamento Nacional, nomos papel no funcionamento comissões especializadas permanentes.

Hafoin apresentação, estudante sira hetan oportunidade hodi assisti diretamente ba sessão plenária inclui visita sala comissão sira.

Tags: