Pagina Inicial»Noticia
Ministério da Saúde hamutuk ho World Health Organization (WHO), iha loron 17 fulan fevereiro tinan 2020, fahe informação ba Deputado no funcionário sira iha Parlamento Nacional kona-ba Virus Corona, ne’ebé horas ne’e daudaun mundo preocupa.
Atividade fahe informação ne’e organiza hussi Comissão F ne’ebé trata assuntos Saúde Segurança e Igualdade de Género, ho objetivo atu Deputado sira no funcionário sira Parlamento Nacional nian bele entende Virus Corona refere hodi halo prevenção.
Presidente Comissão F, Deputada Maria Gorrumali Barreto, hatete disseminação informação ne’e importante tebes atu Deputado sira hanessan representante povo bele iha informação adequado hodi bele partilha mós ba povo.
Iha disseminação informação ne’e parte WHO mós halo explanação kona-ba Virus Corona no oinsá halo prevenção ba moras refere.
Participa iha disseminação informação ne’e mak Deputado sira, estrutura secretariado no funcionário sira Parlamento Nacional.
