Pagina Inicial»Noticia
Estudante sira hussi Escola Secundaria Privada Nobel da Paz hamutuk na’in 40 composto hussi feto na’in 19 no mane na’in 21, hala’o visita guiada ba Parlamento Nacional, iha loron 17 fulan fevereiro tinan 2020.
Secretário-Geral Adjunto Parlamento Nacional, Luis Nascimento da Costa, iha abertura ba atividade visita guiada hateten objetivo hussi visita guiada refere atu fahe informação ba estudante sira liuliu kona-ba papel no funcionamento segundo órgão soberano ida-ne’e, atu sai hanessan referencia ba futuro.
Diretor Escola Secundaria Privada Nobel da Paz, Pedro Nunes Menezes, agradece ba Parlamento Nacional ne’ebe bele convida estudante sira hussi Escola Nobel da Paz hodi bele participa iha visita guiada ba Parlamento Nacional, atu estudante sira bele aprende kona-ba papel no funcionamento Parlamento Nacional.
Iha visita guiada refere, iha mós apresentação matéria kona-ba papel no funcionamento Parlamento Nacional, no funcionamento comissões especializada permanente sira, hussi Diretor Apoio Parlamentar, Joaquim Vicente.
Hafoin apresentação, estudante sira mós hetan oportunidade hodi assiste diretamente sessão Plenária iha Sala Plenária hodi haree diretamente lala’ok discussão hussi Deputado sira.
