Presidente Parlamento Nacional, Arão Noé de Jesus da Costa Amaral, acompanha hussi Assessor Júlio Tomas Pinto halo reunião ho Comissario Comissão Anti-Corrupção, Sérgio Hornai ho nia comitiva iha loron 12 fulan fevereiro tinan 2020, iha fatin gabinete Presidente Parlamento Nacional.
Depois da reunião ho Presidente Parlamento Nacional, ba Jornalista sira Sérgio Hornai hatete objetivo halo reunião ho Presidente Parlamento Nacional atu convida Presidente hodi participa iha comemoração X Aniversário Comissão Anti-Corrupção nian, ne’ebe tuir plano sei selebra iha loron 22 fulan fevereiro tinan 2020. Além de ne’e, convida mos Presidente hodi sai hanesan orador iha Conferência Nacional konaba 10 anos Existência Comissão Anti-Corrupção, ne’ebe tuir plano sei realiza iha loron 24 no 25 fulan ida ne’e, iha salão Kay Rala Xanana Gusmão Ministério das Finanças, Díli.
