Pagina Inicial»Noticia
Parlamento Nacional liu hussi Comissão Especializada Permanente sira, iha loron 8 fulan janeiro tinan 2020, continua halo audiência pública ho ministério relevante sira kona-ba Proposta Orçamento Geral de Estado tinan 2020 nian.
Durante audiência ho ministério sira ko’alia liu kona-ba execução Orçamento Geral de Estado 2019 nian, no halo apreciação ba Orçamento Geral de Estado 2020 nian baseia ba numero hirak ne’ebé hetan mudança.
Audiência ba loron datoluk nian ne’e, iha parte dadeer Comissão A ne’ebe trata assunto Constitucionais e Justiça, halo audiência ho Procuradoria-Geral da República no mós Comissão Anticorrupção; Comissão B ne’ebé trata assuntos Negócios Estrangeiros, Defesa e Segurança, halo audiência ho Ministério da Defesa, F-FDTL no mós Instituto Defesa Nacional (IDN); Comissão C ne’ebe trata assunto Finanças Públicas, halo audiência ho Ministro das Obras Públicas (MOP) acompanha ho CAFI:ADN no CNA; Comissão D ne’ebe trata assunto Economia e Desenvolvimento, halo audiência ho Secretário de Estado do Ambiente; Comissão E ne’ebe trata assunto Infraestrutura, halo audiência ho Ministro do Planeamento e Investimento Estratégico (MPIE) acompanha hussi CAFI, ADN, CNA e SGP; Comissão F ne’ebe trata assunto Saúde Segurança Social e Igualdade de Género, halo audiência ho Ministro Interior e Secretário de Estado para os assuntos dos Antigos Combatentes da Libertação Nacional; Comissão G ne’ebe trata assunto Educação, Juventude, Cultura e Cidadania, halo audiência ho Universidade Nacional Timor-Lorosae (UNTL)no mós Secretário de Estado da Comunicação Social.
Iha parte lokraik, Comissão D continua halo audiência ho Secretário de Estado de Cooperativa.
Comissão sira maioria remata audiência pública ho Governo iha loron ohin, no sei prepara relatório e pareceres sectorial hodi submete ba Comissão C, tuir data ne’ebé mak termina iha calendário de audiência nian. Ba Comissão balun ne’ebé mak seidauk finaliza sira nia audiência, sei continua iha loron 9 fulan janeiro tinan 2020, ho ministério relevante sira seluk.
