Parlamento Nacional, liu hussi Sessão Solene de homenagem ne’ebé preside hussi Presidente Parlamento Nacional, Arão Noé de Jesus da Costa Amaral, acompanha hussi membro da Mesa sira, iha loron 02 fulan janeiro tinan 2020, halo cerimónia hodi hato’o homenagem ikus ba saudosa Deputada V Legislatura, Albina Marçal Freitas “Bia Shana Falu”, ne’ebé hakotu-iis iha Hospital Nacional Guido Valadares (HNGV), iha loron 28 fulan dezembro tinan 2019.
Homenagem ikus ne’e hato’o liu hussi sessão plenária extraordinária, ne’ebé aprova voto de pesar ho 40 votos a favor, 0 contra no 0 abstenções.
Saudosa Deputada Albina Marçal Freitas, hanessan Deputada hahu hussi III Legislatura to’o V Legislatura 2018-2023 hussi Bancada CNRT, no mos iha atual V Legislatura ne’e assume mos cargo Presidente ba Comissão G ne’ebe trata Assunto Educação, Cidadania, Cultura, Juventude no Desporto. hussi Bancada CNRT, Saudosa moris iha Bauró Município Lautem-Lospalos, loron 12 fulan fevereiro tinan 1960 no hakotu-iis ho idade 59 anos.
Iha sessão de homenagem ne’e, hahú ho toca Hino Nacional no mós um minuto de silêncio ne’ebé dirigi hussi Presidente Parlamento Nacional, além de ne’e, iha mós leitura ba votos de pesar ne’ebé Parlamento aprova ona hussi Secretária da Mesa, Sra. Deputada Maria Terezinha Viegas.
Iha homenagem ne’e, Bancada sira iha Parlamento Nacional, hato’o sira nia sentidas condolências ba família Saudosa Deputada no sei la haluha ninia contribuição durante período resistência e, depois da independência, no contribuição ba desenvolvimento nação ida-ne’e.
Presidente do Parlamento Nacional, Arão Noé de Jesus da Costa Amaral, hodi Parlamento Nacional nia naran, hato’o sentidas profundas condolências ba família Saudosa Deputada nian, no mos ba família boot Partido CNRT ne’ebé lakon ema resistência no líder partido nian.
Depois sessão homenagem iha Parlamento Nacional, continua ho cerimónia fúnebre iha cemitério Jardim dos Heróis Metinaro.
Antes ne’e, Parlamento Nacional representa hussi Vice-Presidente Parlamento Nacional, Maria Angelina Lopes Sarmento, acompanha hussi Deputado balun hamutuk ho Secretária-Geral Parlamento Nacional Cedelizia Faria dos Santos ba hato’o sentido condolência ba família enlutada Deputada Albina Marçal Freitas iha ninia residência Lospalos , iha loron 30 fulan dezembro tinan 2019.
