Pagina Inicial»Noticia
Presidente do Parlamento Nacional, Arão Noé de Jesus da Costa Amaral, acompanha hussi Vice- Secretária da Mesa, Sra. Isabel Maria B. F. Ximenes, Presidente Comissão de Saúde, Segurança Sociais e Igualdade de Género (Comissão F), Sra Maria Gorumali Barreto, hamutuk ho Deputado balun, hala’o encontro ho representante congressista feto municipal sira no Região Administrativo Especial Oecússi Ambeno (RAEOA) - Oecússi, iha loron 25 fulan outubro tinan 2019, iha Sala Reunião Grupo Mulheres Parlamentares Timor-Leste nian.
Iha biban ne’e, Representante congressista sira apresenta sira nia preocupação relaciona ho problema sira iha Município, Aldeia, Suco no Posto Administrativo nian ba Presidente Parlamento Nacional relação ho direito no condição ba feto hodi acesso ba iha Agricultura, be mós, estrada, uma ba Professores, ba médicos, ba enfermeiros no parteira nomos ba Policia sira, atendimento pessoal saúde nian ba iha inan feton sira.
Ikus mai, congressista sira hussu ba Parlamento Nacional atu recomenda ba Ministério relevante hodi consideração no tau iha Orçamento Geral do Estado 2020 nian, ho nune, bele resolve problema sira ne’ebe mak inan feton sira enfrenta iha Município sira.
Hatán ba preocupação Congressista sira nian, Presidente Comissão F, Maria Gorumali Barreto hatete, problema sira ne’e pertinente no importante, iha tempo bessik comissão sei halo audiência ho Ministérios relevante sira, no sei recomenda ba Governo hodi tau iha consideração ba iha Orçamento Geral do Estado 2020.
Participante iha reunião ne’e, Presidente Parlamento Nacional, Arão Noé de Jesus da Costa Amaral, Vice-Secretária da Mesa Isabel Maria B. F. Ximenes, Presidente Comissão F, Maria Gorumali Barreto, hamutuk ho Deputado balun, ho presença hussi Presidente Comissão Organizadora 5º Congresso Nacional Feto Timor Leste, Jacinta Lusinha no representante congressista feto Municípios sira no RAEOA-Oecússi.
