Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Presidente Parlamento Nacional hala’o reunião cortesia ho Subdefensor Público-Geral Federal do Brasil

Pagina Inicial»Noticia

Presidente do Parlamento Nacional, Arão Noé de Jesus da Costa Amaral, acompanha hussi Vice-Secretária da Mesa, Isabel Maria B. F. Ximenes, hala’o reunião cortesia ho Subdefensor Público-Geral Federal do Brasil, Jair Soares Júnior, ho nia comitiva iha loron 24 fulan outubro tinan 2019, iha Gabinete Presidente do Parlamento Nacional.

Iha reunião ne’e, Subdefensor Público-Geral Federal ne’e informa ba Presidente do Parlamento Nacional kona-ba total Defensor Público Brasil hamutuk ema na’in 15 ne’ebe mak fó apoio ba Estado Timor-Leste iha área Defensoria Pública hodi reforça sistema Justiça iha Timor-Leste. Além de ne’e, ko’alia mós kona-ba cooperação ne’ebé estabelece ona entre Parlamento Nacional ho Agência Brasileira e Cooperação (ABC) hodi fó apoio técnico ABC nian ba Parlamento Nacional Timor-Leste. 

Depois de reunião ho Presidente Parlamento Nacional, Delegação Defensoria Pública Brasileira ne’e continua hala’o reunião ho Secretária-Geral do Parlamento Nacional, Cedelizia Faria dos Santos, ho nia equipa, hodi apresenta kona-ba cooperação ne’ebe mak durante ne’e Parlamento Nacional halo ho Agencia Brasileira e Cooperação (ABC) iha área técnica sira mak hanessan estabelece sistema foun Portal Parlamento Nacional, formação ba funcionário sira nomos desenvolvimento Radio Parlamento Nacional. Encontro ida-ne’e, continua realiza iha loron 25 fulan outubro tinan 2019, hodi halo avaliação ba implementação programa de cooperação refere.

Participa iha reunião ne’e, Presidente Parlamento Nacional, Arão Noé de Jesus da Costa Amaral, Vice-Secretária da Mesa, Sra. Isabel Maria B. F. Ximenes, Secretária-Geral Parlamento Nacional ho nia equipa ho presença Subdefensor Público-Geral Federal Brasil, Jair Soares Júnior, Embaixador Brasil iha Timor Leste, Aldemo Garcia, Coordenador-Geral de cooperação Técnica PALOP iha Timor-Leste, Paulo Barbosa Lima, no Defensor Publico Timor-Leste, Câncio Xavier. 

Tags: