Pagina Inicial»Noticia
Presidente do Parlamento Nacional, Arão Noé de Jesus da Costa Amaral, halo reunião mensal ho Presidente da República, Francisco Guterres Lu-Olo, iha loron 23 fulan outubro tinan 2019, Palácio Presidente Bairro Pite Díli.
Hafoin reunião, ba jornalista sira, Presidente do Parlamento Nacional hateten durante reunião informa kona-ba atividade hirak ne’ebe durante ne’e Parlamento Nacional halo hanessan resolução kona-ba adesão Timor-Leste ba Assembleia Parlamento Asia, criação Grupo Deputado Parlamento Jovens, ne’ebe sei íntegra iha União Inter Parlamentar, resolução ne’ebe atu recomenda ba Governo kona-ba ema ho deficiente sira.
Ba assunto ne’e, Presidente da República aprecia ho resolução kona-ba ema ho deficiência sira no hussu ba Governo atu considera no cria condição no acesso ba edifício publico sira.
Além de ne’e, informa mós kona-ba Orçamento Geral de Estado tinan 2020 nian, ne’ebé baixa ona ba Comissão Especializada Permanente sira hodi halo audiência. Relaciona ho assunto ne’e Presidente da República sugere ba Parlamento Nacional hodi fó prioridade ba facilidade publico ne’ebé aat ona hanessan escola, clinica no seluk tan ne’ebé Presidente da República rassik deteta iha visita oficial ba município sira.
