Pagina Inicial»Noticia
Presidente do Conselho de Imprensa Timor-Leste, Virgílio da Silva Guterres, acompanha hussi conselheiro sira seluk, halo reunião ho Presidente do Parlamento Nacional, Arão Noé de Jesus da Costa Amaral, ne’ebé acompanha hussi Vice-Secretária da Mesa, Deputada Regina Freitas, iha loron 17 fulan outubro tinan 2019, iha Gabinete Presidente nian.
Iha reunião ne’e, Presidente Conselho de Imprensa (CI) informa ba Presidente do Parlamento Nacional kona-ba serviço hirak ne’ebé durante ne’e CI hala’o inclui participação CI nian iha evento sira internacional.
Tuir lei, CI sei apresenta relatório anual ba Parlamento Nacional, maibé durante ne’e la acontece, nune’e Presidente CI hussu Presidente do Parlamento Nacional hodi haree tempo no tau iha agenda hodi CI bele apresenta relatório iha Plenária.
Alem de ne’e ko’alia kona-ba mandato conselheiro sira CI nian ne’ebé atu termina ona, carteira profissional ba jornalista sira, inclui assunto importante sira seluk.
Presidente do Parlamento Nacional aprecia ho serviço CI durante ne’e, liuliu iha controlo publicação balun iha media social sira no hussu atu continua melhoria iha futuro mai. Parlamento Nacional sei haree tempo hodi prevê iha agenda kona-ba apresentação relatório.
