Plenário Parlamento Nacional considera Problema Saúde sai hanessan problema grave

Pagina Inicial»Noticia

Parlamento Nacional, liu hussi reunião Plenária ordinária, iha loron 15 fulan outubro tinan 2019, questiona makas kona-ba problema saúde iha rai laran considera grave, principalmente iha Hospital Nacional Guido Valadares (HNGV). Iha nível nacional falta medicamentos no material sira seluk ne’ebé la iha, falta pessoal saúde iha área remotas, no mós, questiona kareta ambulância ne’ebé mak tau ona iha orçamento ba tinan ida ne’e, maibé, to’o agora seidauk sossa kareta ida mós, precisa atenção no resolve ho urgência hussi ministério relevante, ligado ho problema iha setor saúde ne’e, Presidente Comissão de Educação, Saúde, Segurança Social e Igualdade de Género, Deputada Maria Gorumali Barreto hussu ba Mesa atu considera iha reunião lideres das Bancadas hodi convida Ministério da Saúde mai halo reunião ho Deputado sira. 

Além de ne’e iha intervenções diversas Deputado sira nian, continua questiona assunto interesse comum ne’ebé seidauk resolve. Nune’e mós, Deputado sira questiona kona-ba la iha harmonização custo de vida ba estudante medicina sira iha Cuba; Problema estudante na’in 18 hussi escola Taur matan Ruak iha Gariwai labele participa iha exame nacional, tanba escola iha problema; Ema balun ho kareta ida no lori kilat boot tiro população nia karau iha Alas-Manufahi, no mós informação importante sira seluk.  

Plenária halo mós discussão no votação ba pedido de autorização ba Deputado António da Conceição hodi presta depoimento iha Tribunal Distrital Díli, resultado hussi votação a favor 27, contra 13 no Abstenção 2, ho nune’e plenária autoriza Deputado hodi fó depoimento parcialmente iha processo judicial.

Antes atu termina, Presidente anúncio ba plenário katak, Orçamento Geral do Estado 2020, Governo sei entrega ba Parlamento iha parte lokraik, no iha semana oin segunda-feira, 21 de outubro de 2019, Mesa baixa ba Comissão Especializada Permanente sira, no comissão sira sei halo audiência durante fulan ida nia laran hahú dia 21 outubro to’o 21 novembro 2019.

Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira no hetan presença hussi Ministro da Reforma Legislativa e Assuntos Parlamentares, Fidélis Manuel leite Magalhães.

Tags: