Pagina Inicial»Noticia
Presidente do Parlamento Nacional, Arão Noé de Jesus da Costa Amaral, entrega prémio ba jogador sira voly feto, Pin Pong no badminton Parlamento Nacional ne’ebé sai vencedor iha jogo ba comemoração Dia da Função Pública iha fulan hirak liu ba.
Cerimonia entrega prémio ne’ebé hala’o iha loron 4 fulan outubro tinan 2019, iha Restaurante Malmequer ne’e, Presidente do Parlamento Nacional mós entrega certificado de reconhecimento ba estrutura cessante Parlamento Nacional hahú hussi Secretário-Geral too Chefe Divisão sira, hanessan reconhecimento ba serviço hotu ne’ebé lao iha legislatura uluk.
Iha discurso ba cerimonia ne’e, Presidente do Parlamento Nacional hussu ba estrutura secretariado atual inclui funcionário sira atu continua fó prestação serviço ne’ebé di’ak liu tan ba desenvolvimento Parlamento Nacional nian.
Secretário-Geral Parlamento Nacional cessante, Adelino Afonso de Jesus, agradece ba apoio tomak hussi Deputado sira no funcionário Parlamento Nacional durante nia mandato, no promete continua apoio estrutura atual hodi hala’o serviço di’ak liu tan.
Cerimonia ne’e taka ho convívio hamutuk entre Deputado sira, estrutura secretariado no funcionário sira Parlamento Nacional nian.
