Presidente Parlamento Nacional, Arão Noé de Jesus da Costa Amaral, acomapanha hussi Vice-Presidente Parlamento Nacional, Luis Roberto da Silva, halo reunião ho Presidente Cruz Vermelha Timor-Leste, Sra. Madalena Hanjam ho nia ekipa, iha loron 26 fulan setembro tinan 2019, iha gabinete Presidente Parlamento Nacional nian.
Objetivo hussi reunião ne’e, Presidente Cruz Vermelha mai informa ba Presidente Parlamento Nacional kona-ba servisu Advocacia Cruz Vermelha nian hamutuk Comitê Internacional da Cruz Vermelha (ICRC) ne’ebé hakarak dissemina lançamento livro ba Lei Comunitaria Internacional, Lei refere nia alvo principal mak grupo Membro Parlamento Nacional sira, hodi uza hanesan referência ida wainhira halo decisão ruma ba ita nia comunidade sira.
Presidente Cruz Vermelha mos hatutan, Timor Leste cumpri convenções barak iha Genebra no ratifika ona, tamba ne’e tenki implementa.
Ikus liu, informa katak, livro kona ba Lei Comunitária Internacional ne’ebé mak preparado ona tenki halo lançamento iha tempu badak iha Parlamento Nacional, tuir plano sei realiza iha dia 15 de outubro 2019.
