Pagina Inicial»Noticia
Parlamento Nacional, liu hussi reunião Plenária ordinária iha loron 16 fulan setembro tinan 2019, fó voto de pesar ba matebian Eis Presidente Indonésia BJ Habibie, ho 47 votos a favor, 0 contra no 1 abstenção.
Sessão Plenária ne’e mós halo voto de saudação ba tinan 20 referendo loron 30 fulan agosto tinan 1999, homenagem ba herói sira ne’ebé luta ba independência, ho 48 votos a favor, 0 contra no 0 abstenções.
Iha Período da Ordem do Dia nian, Deputado sira halo votação ba assentimento deslocação Presidente da República nian ba Nova Iorque hodi participa iha Cimeira de Acão Climática, e 74ª Sessão da Assembleia Geral das Nações Unidas iha loron 24 no 30 fulan setembro tinan 2019 ho 20 votos a favor, 27 contra no 1 abstenção.
Sessão Plenária ne’ebé hahú iha 09:41 ne’e, baixa ba Comissão de Economia e Desenvolvimento (Comissão D), apreciação inicial e emissão de relatório e parecer no Comissão de Finanças Publicas (Comissão C), ba parecer setorial ba Projeto de Lei no 4/V(1ª) – Código Mineiro.
Nune’e mós baixa ba Comissão C kona-ba Orçamento Parlamento Nacional nian ba tinan 2020 hodi halo discussão antes lori ba Plenária.
Entretanto iha intervenções diversas nian, Deputado sira questiona kona-ba eletricidade, bee moos, estrada, no lixo iha capital Díli inclui município balun ne’ebé seidauk resolve.
Bancada parlamentar KHUNTO, liu hussi nia declaração politica hussu ba entidade hotu-hotu atu hametin relação serviço hodi acelera desenvolvimento nacional.
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira.
