Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Secretário-Geral Parlamento Nacional hala’o reunião ho comunidade sira Aldeia Laloran, Suco Bairro Pite

Pagina Inicial»Noticia

Secretário-Geral do Parlamento Nacional, Adelino Afonso de Jesus, acompanha hussi Secretário-Geral Adjunto, Luís Nascimento de Jesus da Costa, hamutuk ho equipa trabalho, iha loron 14 fulan agosto tinan 2019, halo reunião ho comunidade sira Aldeia Laloran, Suco Bairro Pite, Posto Administrativo Dom Aleixo, Município Díli, iha Sede Suco Bairro Pite nian.

Reunião ne’ebé ho presença mós Presidente da Autoridade de Município de Díli, Gaspar Soares, ne’e objetivo atu ko’alia kona-ba futuro instalação edifício foun Parlamento Nacional nian ne’ebé tuir plano sei harii iha área Bairro Pite nian.

Tanba ne’e durante reunião partilha informação ba malu kona-ba plano harii edifício foun ne’e, no processo ruma liga ba comunidade sira ne’ebé afetado hussi construção refere.

Secretário-Geral do Parlamento Nacional, Adelino Afonso de Jesus, iha abertura ba reunião ne’e hatete, Parlamento Nacional hanessan Órgão Soberano ida, representa povo, nune’e hussi desenvolvimento ne’e sei beneficia povo, la viola povo nia direito.

Entretanto Presidente da Autoridade de Município de Díli, Gaspar Soares, hussu ba comunidade sira aldeia refere atu coopera ho equipa trabalho ne’ebé tempo bessik sei halo verificação iha terreno hodi, identifica loloos família hira mak hetan afetado hussi construção refere.

Iha sorin seluk, Filipe da Costa, comunidade Aldeia Laloran, hatete comunidade aldeia refere pronto coopera ho Estado, importante mak Estado cria condição ida digno antes muda sai comunidade sira.

Participa iha reunião ne’e mak hanessan; Secretário-Geral do Parlamento Nacional, Adelino Afonso de Jesus, Secretário-Geral Adjunto do Parlamento Nacional, Luís Nacimento da Costa, Presidente da Autoridade de Município de Díli, Gaspar Soares, Diretor Nacional Terras Propriedades e Serviço Cadastrais, Representante Secretariado Grandes Projetos, Representante Direção Nacional da Habitação e Planeamento Urbana do Ministério das Obras Publicas, Representante Ministério da Agricultura e Pescas, Administrador Interino Posto Administrativo Dom Aleixo, Jeca Smit, Chefe do Suco Bairro Pite, João Baptista da Costa Belo, no comunidade sira Aldeia Laloran.

Tags: