Pagina Inicial»Noticia
Parlamento Nacional liu hussi Plenária ordinária iha loron 13 fulan agosto tinan 2019, apresenta no estabelece ona Comissão Permanente hodi halo funcionamento durante recesso parlamentar.
Membro Comissão Permanente ne’e mai hussi bancada parlamentar sira tuir proporcionalidade, no tuir plano Comissão ne’e sei halo nia reunião dahuluk iha loron 15 fulan agosto hodi define agenda reunião plenária tuir mai.
Presidente do Parlamento Nacional, Arão Noé de Jesus da Costa Amaral, iha abertura ba Sessão Plenária ne’e informa ba Deputado sira katak Parlamento Nacional sei hala’o Sessão Solene iha loron 30 fulan agosto tinan 2019 ne’ebé sei participa hussi Presidente da República, Francisco Guterres «Lu-Olo», inclui Chefe Estado hussi nação balun.
Iha sessão plenária ne’e mós Deputado sira halo apreciação ba relatório kona-ba adesão Parlamento Nacional de Timor Leste ba Assembleia Parlamentar Asiático.
Entretanto iha intervenções diversas, Deputado sira hato’o preocupação sira liga ba desenvolvimento nacional, infraestrutura básica sira, ne’ebé afeta ba povo nia moris.
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira no hetan presença hussi Ministro da Reforma Legislativa e Assuntos Parlamentares, Fidélis Manuel Leite Magalhães.
