Página Inicial » GMPTL » Notícia

Briefing kona-ba analiza Legál ho perspektiva Jéneru bazeada husi Kumprimentu no Prinsipiu CEDAW

 

Iha loron 1 fulan Jullu tinan 2014, NGO Caucus Feto iha Polítika, kolabora ho GMPTL, organiza Briefing ida kona-ba analiza Legál ho perspektiva Jéneru bazeada husi Kumprimentu no Prinsipíu Halakon Diskriminasaun Hotu-hotu Hasoru Feto (CEDAW). Deputada Josefa Soares, Prezidente GMPTL mak loke briefing refere hodi introduza ba partisipante sira kona-ba objektivu husi briefing mak atu fornese ba Membru Parlamentar (MP) sira informasaun kona-ba prinsipíu CEDAW nian atu sira bele komprende oinsa integra perspektiva jéneru iha lei no polítika, programa no orsamentu sira. Total partisipante hamutuk ema nain 37 (feto ema nain 28 no mane nain 8) inklui MP hamutuk ema nain 24 (feto nain 19 no mane nain 5) husi Komisaun A, C, D, F no membru GMPTL, Analista Legál sira, funsionariu CEGEN, reprezentante husi NGO Caucus Feto iha Polítika no reprezentante husi UN Women.

Sra. Maria Agnes Bere, Ofisiál Nasionál ba Programa CEDAW husi UN Women, neʼebé fasilita briefing kona-ba Analiza Legál ho Perspektiva Jéneru bazeada husi Kumprimentu no Prinsipiu CEDAW, aprezenta prinsipiu ka enkuadramentu CEDAW nian inklui: 1) Igualdade (substantivu iha oportunidade no asesu, no mos rezultadu no benefisiu neʼebé hanesan ba feto no mane); 2) Naun-diskriminasaun (direkta no indirekta no mos intersesksionalidade); 3) no Estadu nia obrigasaun.

Sra. Maria Agnes Bere esplika liutan katak Estadu Membru neʼebé ratifika CEDAW iha obrigasaun atu: 1) respeita hodi integra prinsipiu igualdade liu husi halo lei, polítika, programa, prosedimentu estrutura institusionál neʼebé bele rezulta igualdade ba feto no mane sira iha implementasaun no goza sira nian direitu hanesan iha vida sivil, polítika, ekonomika, sosiál no kulturál; 2) proteje feto sira husi diskriminasaun oi-oin no hakotu pratika kulturál sira ne’ebé prejudika no reforsa inferioridade ka superioridade no knaʼar estereotipu entre feto no mane; 3) Realija asaun sira liu husi foti medidas oi-oin atu asegura feto no mane sira nia direitu hanesan hodi bele goza sira nia direitu de jure no de faktu, fasilita asesu hanesan, fornese rekursu no Medidas Espesiál Temporariu hodi asegura partisipasaun hanesan entre feto no mane; 4) iha Dilijensia de vida hodi: halo asaun no omisaun, prevene violasaun direitus umanus no proteje ema individuál sira husi violasaun direitus umanus, halaʼo prosesu legál no investigasaun ba hahalok violasaun sira, kastigu ema neʼebé komete violasaun no fornese kompensasaun ka reparasaun ba vítima no sobrevivente sira.


Ligasaun Info Parlamentar Kontaktu

Rede Feto Timor-Leste

Rua : Formosa

UNFPA

Telefone: (+670) 3323884

UNWOMAN

Fax: (+670) 3323884

UNDP Timor-Leste

Email: info@parlamento.tl

Blog Salurik

 

Blog Rede Feto