Pagina Inicial»Noticia
Comissão D iha Parlamento Nacional ne’ebé trata assunto Economia e Desenvolvimento halo fiscalização ba Município Manufahi iha loron 20 too 22 fulan março tinan 2019.
Atividade fiscalização ne’e hahú reunião ho Presidente da Autoridade Município Manufahi, Diretor Municipal da Agricultura, Diretor Municipal do SEPFOPE, Diretor Municipal do Turismo, Diretor Municipal do Comercio no representante Meio Ambiente nian, ho objetivo atu rona preocupação no sugestão sira hussi cada direção liga ba desenvolvimento nacional.
Hafoin reunião ho autoridade sira, membro sira Comissão D continua halo fiscalização ba Kolan Ikan ne’ebé localiza iha Aldeia Tomonamo Suco Letefoho, Produção Agua iha Same Vila.
Além de ne’e Comissão D halo mós fiscalização ba Irrigação ne’ebé localiza iha Posto Administrativo Betano (Karau-Ulun), no ikus liu ba iha Monumento Dom Boaventura hodi hare direitamente condição monumento ne’e.
Fiscalização ne’e lidera hussi Presidente Comissão D, Deputada Virgínia Ana Belo, acompanha hussi membro comissão nian inclui técnico sira.
